ఆయుధం వరంగల్
గ్రేటర్ వరంగల్ నగరంలో హనుమాన్ శోభా యాత్ర ను ప్రశాంతంగా నిర్వహించుకుందామని సెంట్రల్ జోన్ డీసీపీ తెలిపారు. ఈనెల 23 ట్రైసిటిలో నిర్వహించబోయే హనుమాన్ శోభాయాత్ర ను ప్రశాంతంగా నిర్వహించెందుకు వరంగల్ పోలీస్ కమిషనర్ అంబర్ కిషోర్ ఝా ఆదేశాల మేరకు వివిధ పోలీసులు, వివిధ ప్రభుత్వ విభాగాలతో పాటు శోభా యాత్ర నిర్వాహకులతో డీసీపీ సమన్వయ సమావేశాన్ని నిర్వహించారు. ఈ శోభా యాత్ర సజావుగా కొనసాగేందుకు బందోబస్తు ఏర్పాట్లు, శోభయాత్ర కొనసాగే మార్గాలు లపై డీసీపీ చర్చించారు. శోభయాత్ర ప్రశాంతంగా నిర్వహణకు నిర్వాహకులు తీసుకోవాల్సిన జాగ్రత్తలతో పాటించాల్సిన నిబంధనలు డీసీపీ పలు సూచనలు చేసారు. ఈ సందర్భంగా డీసీపీ మాట్లాడుతూ వరంగల్ మహానగరంలో అన్ని మతలవారు సోదరభావంతో పండుగలను జరుపుకుంటరాని, వరంగల్ ప్రజల ఇతర ప్రాంతాల వారికి ఆదర్శంగా నిలుస్తున్నారని. ఇదే రీతిలో ఒకరి మతాన్ని గౌరవించుకుంటూ పండుగలను జరుపుకుందామని డీసీపీ తెలియజేసారు. ఈ సమావేశంలో టైనీ ఐపిఎస్ శుభం నాగ్, ఏసీపీలు దేవేందర్ రెడ్డి, నందిరాం నాయక్, సత్యనారాయణ, వరంగల్ గ్రేటర్ మున్సిపల్ అడిషనల్ కమిషనర్ ఆన్సర్ రషీద్, తో పాటు ట్రాఫిక్, లా అండ్ ఆర్డర్ ఇన్స్ స్పెక్టర్లు, రోడ్డు, భవనాలు, మున్సిపల్ అధికారులు, విశ్వహిందూ, భజరంగ్ కార్యకర్తలు పాల్గొన్నారు.
