ఆయుధం వరంగల్
పార్లమెంట్ ఎన్నికల సందర్భంగా ఏర్పాటు చేసిన జనగామ పోలీస్ స్టేషన్ పరిది ఏర్పాటు చేసిన చెక్ పోస్ట్ ను వరంగల్ పోలీస్ కమిషనర్ అంబర్ కిషోర్ ఝా ఆకస్మిక తనిఖీ చేసారు. ఈ సందర్భంగా సిపి చెక్ పోస్ట్ అధికారులు పోలీస్ భద్రత సిబ్బందితో మాట్లాడుతూ పార్లమెంట్ ఎన్నికలను సజావుగా నిర్వహించేందుకు చెక్ పోస్టులు కీలకపాత్ర వ్యవహరిస్తాయని అన్నారు. జిల్లాలోని చెక్ పోస్టులతో సిబ్బంది పహారాతో పకడ్బందీగా 24×7 చెక్ పోస్టుల్లో విధులు నిర్వహించాలని సిబ్బందికి సూచించారు. ముఖ్యంగా అక్రమ మార్గంలో ఎటువంటి మద్యం, డబ్బు, ప్రజలను ప్రలోభ పెట్టే వస్తువులను జిల్లాకు రాకుండా వివిధ శాఖల సమన్వయంతో 24 గంటల పర్యవేక్షణలో చెక్ పోస్టుల వద్ద తనిఖీలు చేపట్టాలని సిపి సూచించారు.అనంతరం వాహన తనిఖీలు చేసిన వాహన నమోదు చేసిన రిజిస్టర్ ను పరిశీలించడంతో పాటు, ప్రత్యక్షంగా పోలీస్ సిబ్బంది వాహనాలు తనిఖీలు చేస్తున్న తీరును క్షేత్ర స్థాయిలో పరిశీలించారు.
చెక్ పోస్ట్ ల వద్ద నిరంతరం పహారా వుండాలి వరంగల్ పోలీస్ కమిషనర్ అంబర్ కిషోర్ ఝా
